Nga Klaudio Ndreca

Bashkimi mes Shqipërisë dhe Kosovës është ajo që kërkohet prej kohësh. Por nëse këtë referendum të bashkimit kombëtar nuk po e bënë akoma politika, kjo shumë ndryshe po paraqitet nga ana e sportit, që vazhdon të jetë bashkuese për kombin shqiptar.

Futbolli ishte i pari që hodhi idenë krijimin e një Kupe të përbashkët, por duke parë situatën e fundit të Koronavirusit dhe ndryshimin e kalendarit të ndeshjeve, mund të ketë edhe një shtyrje të planifikimit. Mbetemi sërish te sporti dhe këtë herë është basketbolli që do të jetë i përbashkët.

Ju pëlqen!

Me shumë mundësi do të kemi një kampionat të përbashkët, me skuadra që vijnë nga Shqipëria dhe nga Kosova. Këtë e ka deklaruar vetë presidenti i FSHB-së, Avni Ponari, në një intervistë për “TvT”, ku mes të tjerash shpreh edhe projektin e ri. Aty thuhet qartësisht se po punohet dhe po merret leja nga FIBA për të lejuar këtë organizim, që do të shërbejë për të unfikuar edhe më tepër shqiptarët. Largësia në distancë nuk paraqet problem, pasi siç e thotë edhe vetë Ponari, Prishtina është aq larg sa edhe Gjirokastra. Ndërkohë në këtë drejtim të sportit Kosova është shumë më përpara dhe kjo shkrirje do të forcojë edhe më tepër nivelin e produktit tonë.

“Po në fakt ne e kemi menduar edhe më para një organizim të tillë, por futbolli shkoi pak më shpejt se ne me procedurat duke e formalizuar. E kemi në plan për të pasur një kampionat të përbashkët me Kosovën dhe duhet të marrim lejen në FIBA. Ka edhe shtete të tjera që e kanë bërë këtë si Lituania, Letonia. Ne po synojmë një kampionat të madh e të përbashkët me sistemin vajtje-ardhje. Se po të marrim largësinë, Prishtina është vetëm tre orë larg, si të shkosh në Gjirokastër. Kosova është dakort me këtë propozim dhe po vazhdojmë me negociatat”, u shpreh Ponari. /Sport Ekspres/

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot të paktën edhe me 1 Euro!