“Jemi mirë”. Dy fjalë, shoqëruar nga një ‘ok’ sigurues. Paulo Dybala ka dashur të qetësojë me një postim në Instagram të gjithë tifozët e Juventus e dashamirësit e tij në lidhje me gjendjen e tij pas pozitivitetit me koronavirus. Mesazhi i sulmuesit argjentinas vjen pas deklaratës së të fejuarës së tij Oriana Sabatini, edhe ajo pozitive me Covid-19: për ciftin më e keqja tashmë ka kaluar.
Ishte vetë Dybala, që në rrjetet sociale njoftoi katër ditë më parë pozitivitetin ndaj koronavirus. Joya ishte lojtari i tretë i Juventus i infektuar me virusin e rrezikshëm, pas Ruganit e Matuidi.
