Solomoni është mbreti më i pasur që ka egzistuar ndonjëherë në historinë e njerëzimit.

Pasuritë e njerëzve më të pasur të kohëve të sotme nuk mund të krahasohen me ato të mbretit Solomon.

Por përveç pasurisë së tij, Solomoni njihet gjithashtu edhe për mençurinë dhe zgjuarsinë e tij.

Ju sjellim një nga historitë më prekëse të fillimit të mbretërimit të tij.

Ju pëlqen!

Solomoni e donte Zotin dhe respektonte të gjitha statutet dhe ligjet e tij.

Pasi Davidi, ati i tij mbret, e caktoi atë pasardhës të tij, Zoti iu shfaq në ëndërr Solomonit dhe e pyeti:

“ Kërko ç’të duash dhe unë do të ta jap”.

Solomoni u përgjigj:

“ Jepi shërbëtorit tënd një zemër të zgjuar, në mënyrë që të administrojë drejtësinë për popullin tënd dhe të dallojë të mirën nga e keqja. Kush në fakt mund të drejtojë popullin tënd? ”

Zotit i pëlqeu kërkesa e bërë nga Solomoni dhe i tha:

“Meqenëse kërkove këtë dhe nuk kërkove për vete as jetë të gjatë, as pasuri, as vdekjen e armiqve të tu, por ke kërkuar për të kuptuar atë që është e drejtë, ja unë po bëj atë që ti ke kërkuar.

Po të jap një zemër të urtë dhe të zgjuar, sa nuk ka pasur asnjeri para teje e nuk do të dalë asnjeri tjetër mbas teje.

Po të jap edhe atë që nuk ke kërkuar: pasuri dhe lavdi, kështu që midis mbretërve nuk do të ketë asnjë si ti “.

Të nesërmen dy prostituta u paraqitën përpara tij.

Njëra nga gratë tha:

“ O imzot, kjo grua dhe unë banojmë nën të njëjtën çati.

Unë linda një djalë dhe pas tre ditësh lindi dhe ajo një djalë.

Djali i saj vdiq, sepse ajo kishte rënë natën në shtrat sipër tij.

Shpërndaje dhe Pëlqeje MekuliPress

Atëherë ajo u ngrit në mes të natës, mori djalin tim nga krahu im ndërsa po flija, dhe e vuri mbi gjirin e saj, dhe mbi gjirin tim vuri djalin e saj të vdekur.

Kur në mëngjes u ngrita për t’i dhënë gji djalit tim, pashë që kishte vdekur, por e kqyra me kujdes, dhe vura re që nuk ishte djali që kisha lindur unë“.

Atëherë gruaja tjetër tha:

“ Nuk është e vërtetë, djali im është ai që jeton ndërsa i yti ka ndërruar jetë”.

Por gruaja e parë nguli këmbë:

“ Nuk është e vërtetë, yt bir është ai që nuk jeton më dhe i imi është ai që është gjallë “.

Kështu dy gratë vashduan të ziheshin para mbretit Solomon dhe të tjerëve.

Mbreti tha:

“ Njëra thotë ai i gjalli është djali im dhe ai që nuk jeton është i yti dhe tjetra thotë nuk është e vërtetë, ai që nuk jeton është djali yt dhe ai i gjalli është i imi “.

Atëherë mbreti Solomon urdhëroi:

“ Më sillni një shpatë! “

Kështu rojet sollën një shpatë.

Pastaj mbreti urdhëroi:

“ Ndajeni fëmijën e gjallë në dy pjesë dhe jepini gjysmën njërës dhe gjysmën tjetrës “.

Atëherë gruaja e fëmijës së gjallë, që e donte shumë fëmijën e saj, i tha mbretit:

“ Imzot jepjani asaj fëmijën, por të lutem mos e vrisni atë “.

Tjetra përkundrazi thoshte:

“ Të mos jetë as imi, as yti, por ndajeni! “

Atëherë mbreti u përgjigj duke thënë:

“ Jepjani të parës fëmijën, sepse ai është fëmija i saj “

/MekuliPress.com/

Shpërndaje dhe Pëlqeje MekuliPress

Mekuli Press është në prag të mbylljes. Kemi nevojë për mbështetjen tënde, i dashur lexues. Na ndihmo sot edhe me vetëm 1 Euro! - FOTO: No copyright infringement is intended.