E dinte shumë mirë që i kishin mbetur vetëm pak muaj jetë, megjithatë asgjë nuk mund ta pengonte për të sjellë në jetë fëmijën e saj të dytë, madje as premtimet e mjekëve se gjërat mund të ndryshonin në të ardhmen. Historia e Kim Debling, 34-vjeçares britanike nga Hampshire, është historia e një nëne luftarake që e donte shumë jetën, ndonëse nuk mund ta shijonte atë.

Gjithçka nisi gjatë shtatzënisë së tyre, kur Kim filloi të vinte re praninë e disa pikave të kuqe në fytyrë dhe në pjesën e kraharorit, të cilat shfaqeshin dhe zhdukeshin brenda pak kohësh. Fillimisht mendoi se bëhej fjalë për diçka pa rëndësi, ndoshta një alergji ushqimore e shkaktuar nga ndryshimet hormonale të shtatzënisë, dhe u përpoq të tregohej sa më e kujdesshme me ushqimin. Megjithatë me kalimin e kohës, pika u shndërruan në njolla të mëdha që transformuan plotësisht fytyrën e 34-vjeçares, ish-pilote e forcave të armatosura britanike në misionet në Irak.

Mjekët dyshuan fillimisht se mos bëhej fjalë për Lupus, një sëmundje autoimune, por më pas arritën në përfundimin e frikshëm që gruaja e re nuk do të donte të merrte vesh kurrë. Ajo vuante nga ‘’T-Cell lymphoma” në stadin e katërt, një kancer agresiv dhe i pashërueshëm që prek rruazat e kuqe të gjakut. Për Kim nuk kishte më shpëtim, megjithatë ajo ishte ‘’e qetë’’ pasi fëmijët e saj nuk do ta mbanin mend me pamjen e tanishme. ‘’Asnjë personazh Disney nuk është bërë hero pa humbur më parë një prind. Nuk dua që fëmijët e mi të kalojnë shumë kohë me mua, apo të më shohin kështu, do të ishte më e vështirë për ta të pranonin humbjen time. Dua vetëm të jenë të lumtur, unë do të kujdesem për ta gjithmonë”-mendohet të jenë fjalët e fundit të Kim, që mbylli sytë muajin e shkuar.

Ju pëlqen!

/MekuliPress.com/

Shpërndaje dhe Pëlqeje MekuliPress

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot, të paktën edhe me 1 Euro!