Shpëtim Hajdaraj, djali i aktivistit të LDK-së, Smajl Hajdaraj, i cili u vra pabesisht nga dora kriminale e që ende nuk u zbulua, e ka përkujtuar profesor Fehmi Aganin në 20 vjetorin e vrasjes së tij.

Hajdaraj, thekson se vrasësit e profesor Aganit, Serbia fashiste nuk është më në Kosovë, por kujton se, do të ishte zor të shpëtonte pa u vra edhe po të shpëtonte nga lufta.

Sipas tij, kjo vrasje do të ndodhte nga mbeturinat kriminale enveriste të pasluftës.

Ju pëlqen!

Hajdaraj, përmes një postimi në Facebook, ka kujtuar edhe bashkëpunëtorët e profesor Aganit, të cilët u vranë pas luftës, ndërsa shton se dallimi i vrasësve është se Serbia ka ikur, kurse vrasësit e pasluftës janë ende këtu.

“Profesor Agani, vrasësit e tu (Serbia fashiste e kriminale) e ka thy qafën nga këtu, atë e dënoi Zoti dhe bota demokratike. Kosova është e pavarur, andaj pusho i qetë.

Zor se do shpëtoje pa u vra nga mbeturinat kriminale enveriste pas lufte, po të shpëtoje nga të parët. Ashtu siç u vranë shumë bashkëpunëtorë tuaj pas lufte (Xhema, Shabani, Smajli, Ismeti, Hakiu ,…), zor se do shpëtoje edhe ti.

Dallimi i vrasësve është se këta të dytët janë ende këtu”, shkruan Hajdaraj.
MekuliPress.com/ 
Shpërndaje dhe Pëlqeje MekuliPress 

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot, të paktën edhe me 1 Euro!