“Unë jam maqedonas dhe flas maqedonisht,” tha zëvendëskryeministri për Çështje Evropiane, Nikolla Dimitrov në paraqitjen e tij të sotme në emisionin “360 Gradë” në Alsat, pasi komentoi disa nga pikat e Memorandumit të Bullgarisë drejtuar BE-së, ku ndër të tjera, kontestohet gjuha dhe shtetësia maqedonase.

Unë jam maqedonas dhe gjuha ime amtare është maqedonishtja. Unë nuk lejoj që as vendi im të futet në këtë hapësirë…shteti ynë, e le më ndonjë shtet tjetër. Kjo bie ndesh me vlerat evropiane, bie ndesh me ligjet ndërkombëtare dhe nuk është racionale dhe e mençur për atë që duam të ndërtojmë të dy palët,” tha Dimitrov.