Akademia Mbretërore Suedeze e Shkencave ka vendosur që Çmimin Nobel për Fizikë për vitin 2020 ta ndaj në tri pjesë, në mes të Roger Penrose, Reinhard Genzel dhe Andrea Ghez për zbulimet e tyre rreth vrimës së zezë, shkruan MekuliPress.com

Këtë e ka bërë të ditur faqja zyrtare në Facebook e Çmimit Nobel.

“Me një gjysmë (shpërblehet) Roger Penrose “për zbulimin se formimi i vrimave të zeza është një parashikim i fortë i teorisë së përgjithshme të relativitetit” dhe gjysma tjetër për Reinhard Genzel bashkë me Andrea Ghez “për zbulimin e një objekti kompakt supermasiv në qendër të galaktikës sonë”, thuhet në njoftim.

Ju pëlqen!

Përderisa Roger Penrose tregoi se teoria e përgjithshme e relativitetit çon në formimin e vrimave të zeza, në anën tjetër Reinhard Genzel dhe Andrea Ghez zbuluan se një objekt i padukshëm dhe jashtëzakonisht i rëndë udhëheq orbitat e yjeve në qendër të galaktikës sonë.

“Zbulimet e laureatëve të këtij viti kanë hapur terren të ri në studimin e objekteve kompakte dhe supermasive. Por këto objekte ekzotike ende paraqesin shumë pyetje që kërkojnë përgjigje dhe motivojnë kërkimet e ardhshme. Jo vetëm pyetje në lidhje me strukturën e tyre të brendshme, por edhe pyetje se si të provojmë teorinë tonë të gravitetit në kushte ekstreme në afërsi të një vrime të zezë, ”thotë David Haviland, kryetar i Komitetit Nobel për Fizikën.

Ky çmim nënkupton një të arritur të madhe, të vërtetuar ndërkombëtarisht.

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot të paktën edhe me 1 Euro!