Një sulm i madh kibernetik që ka prekur më shumë se 2,000 faqe internet në Gjeorgji një vit më parë, është kryer nga Rusia, kanë thënë Gjeorgjia, Mbretëria e Bashkuar dhe Shtetet e Bashkuara.

Qeveria britanike ka thënë se inteligjenca ushtarake ruse (GRU) ka qenë mbrapa “tentimeve për të dëmtuar sovranitetin e Gjeorgjisë”.

Ministri i Jashtëm britanik, Dominic Raab e ka përshkruar këtë incident si “absolutisht të papranueshëm”.

Ndoshta ju pëlqen!
Loading...

Ministria e Jashtme ruse ka mohuar të japë koment, ka thënë agjencia e lajmeve RIA.

Qendra Kombëtare për Siguri Kibernetike e Britanisë ka gjetur se GRU “ka qenë pothuajse me siguri” mbrapa sulmeve që kanë prekur mijëra faqe, përfshirë atë të presidentit dhe transmetuesit televiziv kombëtar.

Ky njëherësh është konsideruar shembulli i parë i madh i një sulmi të tillë të kryer nga GRU, prej vitit 2017.

Sekretari amerikan i Shtetit, Mike Pompeo po ashtu ka dënuar sulmet duke thënë: Shtetet e Bashkuara i bëjnë thirrje Rusisë të ndalë këtë qasje në Gjeorgji dhe kudo”.

Në shumë raste, faqet online janë zëvendësuar me një fotografi të ish-presidentit gjeorgjian, Mikheil Saakashvili, me përshkrimin “Unë do të kthehem”.

Saakashvili ka shërbyer dy mandate si president në Gjeorgji në periudhën 2004-2013.

Ai ka hequr dorë nga shtetësia gjeorgjiane më 2015, kur është bërë guvernator i rajonit ukrainas, Odesa.

https://www.evropaelire.org/a/30445843.html?utm_medium=affiliate&utm_campaign=RFE-widget63878&utm_source=www.mekulipress.com/ambasadori-i-rusise-ofruam-ndihmen-tone-pas-termetit-nuk-morem-asnje-pergjigje/&utm_content=widget

Ndoshta ju pëlqen!/MekuliPress/ Nëse keni shijuar këtë artikull, ndajeni atë me familjen dhe miqtë tuaj! MekuliPress mbetet e pandikuar nga partitë politike. Na ndihmoni!