Vendimi i administratës amerikane për të tërhequr trupa ushtarake nga Gjermania është cilësuar si i papranueshëm nga Berlini zyrtar. Koordinatori për marrëdhëniet transatlantike, Peter Beyer ka deklaruar se një vendim i tillë është i papranueshëm për sa kohë që askush në Washington nuk ka menduar të informojë paraprakisht Gjermaninë.
Edhe ministri i Jashtëm, Heiko Maas ka shprehur keqardhjen për një vendim të tillë dhe e ka përshkruar si të ndërlikuar marrëdhënien me SHBA.
Sipas vendimit të publikuar në media, administrata e Trump parashikon të tërheqë 9 500 trupa nga Gjermania.
