Koronavirusi ua ka pamundësuar sivjet besimtarëve myslimanë kryerjen e një prej obligimeve më të madhe fetare që kanë.

Shkuarja në haxh është anuluar për shkak të pandemisë, ndërsa njoftimin e dha këtë javë Bashkësia Islame e Kosovës.

Në Bashkësinë Islame që tradicionalisht organizojnë shkuarjen e haxhilerëve kosovarë në Mekë thonë se sivjet pelegrinazhi do të mbahet vetëm për vendasit e shtetit arab.

Por anulimi i këtij rituali nuk po i pëlqen dikujt që thotë se haxhi nuk u ndal as në kohë lufte.

“Kjo është diçka politike”, thotë një qytetar.

Haxhi është një nga pesë shtyllat e islamit dhe obligim për çdo myslimanë që është në gjendje ta kryejë atë të paktën një herë në jetën e tij, nëse ja mundësojnë mjetet financiare.

Zakonisht në Mekë dhe Medinë mblidhen nga 2 milionë besimtarë nga e gjithë bota.