Presidenti rus Vladimir Putin thotë se armët e reja të Rusisë nuk kanë ekuivalentë të huaj, por ai këmbëngul se vendi nuk do t’i përdorë ato për të kërcënuar askënd.

Duke folur gjatë një takimi të martën me oficerë të lartë ushtarakë, Putin tha se asnjë vend tjetër nuk ka armë hipersonike, lazer apo armë të tjera të mundshme që janë porositur nga ushtria ruse, duke shtuar se kjo “nuk është një arsye për të kërcënuar askënd”.

Putini pretendoi se sistemet e reja të armëve janë krijuar ekskluzivisht për të “garantuar sigurinë tonë në funksion të kërcënimeve në rritje” dhe u zotua të ndjekë përpjekjet për kontrollin e armëve.

Marrëdhëniet e Rusisë me Perëndimin janë zhytur në nivelet më të ulëta që nga vitet e Luftës së Ftohtë mbi konfliktin në Ukrainë dhe mosmarrëveshjet e tjera.

Në vitin 2018, Putin njoftoi një sërë armësh të reja, duke përfshirë një automjet rrëshqitës hipersonik, një dron nënujore të armatosur bërthamore dhe një raketë të lundrimit me energji bërthamore.

Burimi: AFP