Kur u dënua Albin Kurti në Serbi, ai tha: “Nuk është me rëndësi nëse më dënoni dhe sa më dënoni. Çdo gjë që kam bërë e kam bërë vullnetarisht dhe me dinjitet, jam krenar për këtë dhe po të më ipej rasti do të veproja sërish njësoj.”

Gjatë gjykimit ai refuzoi të njihte legjitimitetin e gjykatës serbe duke thënë: “Ky gjyq nuk ka asgjë të përbashkët me të vërtetën dhe drejtësinë. Ky gjyq i shërben politikës ditore të regjimit të Milosheviçit që e ka mbajtur Kosovën nën okupim”.

Ky është Albin Kurti që duam. Sidomos sot, në prag të bisedimeve finale me Serbinë. Na duhet ky patriotizëm dhe vendosmëri e tij, si kurrë më parë, e kjo është ndër shtyllat kryesore që Kurti i mori votat.

Albini tha: Na e jepni veç një shans.

Shansën dhe ditën që e kërkove ta dhamë Albin. Mos na zhgënje dhe bëj votuesit e partive të tyre të pendohen që nuk të votuan ty. Të gjithë ata që ty ta besuan votën, duhet t’ua shpërblesh me shtet të së drejtës, e jo duke i shpërblyer ata me punësime e tendera.

Është epoka jote që t’ia kthesh dinjitetin këtij vendi dhe ta nxjerrësh nga humnera që ka rënë tash e dy dekada.

Tashmë, u shuan zërat konspirativ se Amerika nuk e dëshiron Lëvizjen Vetëvendosjen dhe se kjo e fundit është antiamerikane.

Sot, vet ambasadori Phillip Kosnett shkoi në zyrat e Lëvizjes Vetëvendosje për të uruar Albin Kurtin për fitoren dhe për të biseduar për të ardhmen e Kosovës. Tanimë, shpresat e komunistëve që mendonin se SHBA-ja i donë vetëm ata, u shuan.

Albin Kurti e ka rrugën përpara, me popullim mbrapa që t’i shtyjë proceset e Kosovës para dhe ta çkap nga krimi dhe korrupsioni.

Madhështia e fitores së Vetëvendosjes qëndron në faktin se kjo parti fitoi pa asnjë punësim të vetëm e pa asnjë tender të dhënë.

Madhështia e fitores së Albin Kurtit qëndron në faktin se gjithmonë kritikoi, edhe në kohën kur serviliteti i të tjerëve ishte në maksimum.

Për herë të parë pas luftës, duhet të vendosen principe të reja dhe të qëndrueshëm për forcimin e institucioneve, luftimin e krimit dhe korrupsionit dhe shumë fenomeneve tjera të dëmshme për shoqërinë. Dëmet e luftës duhet te marrin përgjigje konkrete, duhet te ketë program për inicimin e dëmshpërblimit për kategoritë e dala nga lufta.

Gjithashtu duhet të ketë rritje të konsiderueshme për familjet në asistencë sociale dhe kategoritë tjera sociale, të pagjeturit dhe martirët e luftës, gjithashtu. Duhet gjithashtu përgjigje konkrete dhe një dëmshpërblim meritor të ish- Luftëtarëve të UÇK-së të cilët më nuk do të vuajnë për bukën e gojës por do të marrin pensionet e tyre konformë kontributit të tyre qe kanë dhënë gjatë luftës.

Albin, të priftë e mbara!

Drilon Rrahmani /MekuliPress/ Nëse e keni shijuar këtë artikull, ndajeni atë me familjen dhe miqtë tuaj!

/MekuliPress/ Nëse e keni shijuar këtë artikull, ndajeni atë me familjen dhe miqtë tuaj! MekuliPress mbetet e pandikuar nga partitë politike.
Loading...
[wpedon id=16879]