Nënkryetari Lëvizjes Vetëvendosje, Glauk Konjufca, ka thënë se shkuarja sërish në zgjedhje të parakohshme, duhet të jetë fjala e fundit, që duhet të shihet në këto momente.

Në Pressing, ai u shpreh se LVV, së bashku me LDK-në, duhet të provojmë edhe dy-tri forma të tjera për të arritur koalicion dhe nëse dështojnë këto tentativa, të flitet për shkuarje në zgjedhje.

“Zgjedhjet duhet me qenë fjala e fundit. Ne duhet t’i provojmë edhe dy tri forma tjera, dhe pastaj të flasim për shkuarje në zgjedhje”, ka thënë Konjufca.

Ju pëlqen!

Konjufca, ka treguar se pse VV nuk dëshiron t’i jap Ministrinë e Punëve të Brendshme (MPB) LDK-së.

“Nuk e kuptoj se çfarë po i duhet LDK-së Ministria e Punëve të Brendshme”, tha ai.

Konjufca tha se LDK-ja ka pasur 3 ministra të vetë në këtë ministri dhe se rezultatet kanë qenë të mjerueshme, prandaj VV po e sheh si të pa zot LDK-në në këtë dikaster.

“Ky është një dikaster tipik për luftën ndaj krimit të organizuar, LDK-ja nuk ka me provu vetën për herë të parë në këtë dikaster ka pas 3 ministra këtu, me të vërtetë rezultatet janë të mjerueshme, populli vendosi VV-në të parën për shkak këtyre zhgënjimeve”, shtoi ai.

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot të paktën edhe me 1 Euro!