Switzerland's Xherdan Shaqiri celebrates after scoring the 2-0 during the international friendly soccer match between Switzerland and Peru at the Swissporarena in Lucerne, Switzerland, Tuesday, June 3, 2014. Switzerland is preparing for the upcoming FIFA soccer World Cup in Brazil starting on 12 June. (KEYSTONE/Peter Klaunzer)
 

Shkëlqeu kundër Turqisë. Por, kjo nuk ishte hera e parë. Xherdan Shaqiri gjithmonë ka qenë vendimtar te Zvicra.

Në ndeshjen e fundit theu dy rekorde të rëndësishme. Ka shënuar shtatë gola në Kampionate Evropiane dhe Botërore, më së shumti në histori të Zvicrës.

Ai ka shënuar në katër turne madhor radhazi: Kupa e Botës 2014, Euro 2016, Kupa e Botës 2018 dhe Euro 2020. Këtë rekord nuk e kishte asnjë futbollist zviceran. Madje, vetëm tre futbollistë në Evropë e kanë arritur këtë rekord: Cristiano Ronaldo, Romelu Lukaku dhe Ivan Perisiq.

Ju pëlqen!

Në total, Shaqiri ka 94 ndeshje me Zvicrën dhe 25 gola. Si nga paraqitjet, ashtu edhe nga golat, Shaqiri renditet i shtati te Zvicra. Heinz Hermann ka 118 ndeshje të Zvicra, kurse Alexander Frei ka 42 gola.

Shaqiri ka debutuar te Zvicra në vitin 2010 dhe ka marrë pjesë në ngjarjet madhore me Natin, duke mos munguar asnjëherë.

Xherdani ka luajtur edhe për Zvicrën U17, U18, U19 dhe U21. Me këtë të fundit ishte në finale të Evropianit, por ishin mundur nga Spanja.

Në vitin 2016, Zvicra arriti suksesin më të madh, duke u kualifikuar në 1/8 e finaleve në Evropian. Shaqiri ishte pjesë e rëndësishme e Natit. Madje, nuk harrohet goli ndaj Polonisë.

Edhe dy goli ndaj Serbisë në Kupën e Botës më 2018 nuk do të harrohet. Gol i fitores dhe festimi me Shqiponjë.

Xherdan Shaqiri është futbollisti i vetëm shqiptar, i cili ka fituar dy herë Ligën e Kampionëve, me Bayernin dhe Liverpoolin. Ka fituar titullin në Zvicër, Gjermani dhe Angli. Ka fituar dy herë Superkupën e Evropës dhe Kupën e Botës për Klube. Gjithashtu ka fituar edhe disa trofe të tjerë.

©MekuliPress/ Ndaje artikullin me familjen dhe miqtë tuaj. MekuliPress mbetet e pandikuar nga partitë politike. FOTO: No copyright infringement is intended.