Ballina Blog

Shpikjet e vitit 2022 – Ja 4 ‘krijimet’ më të mira të publikuara nga revista ‘Time’

Shpikjet kreative të biznesit kanë të bëjnë më shumë se fitimi eventual. Ato mund ta bëjnë jetën më të lehtë për individët në nevojë, të përmirësojnë shëndetin publik ose të forcojnë mbrojtjen e mjedisit.

Shpikjet amerikane janë gjithashtu ndër më të dobishmet dhe më të suksesshmet komerciale.

Këtu janë disa shpikje nga bizneset amerikane gjatë vitit 2022 që ilustron një mision social. Produktet e kompanive u përfshinë së fundmi në mesin e shpikjeve më të mira të revistës Time të vitit 2022.

Biobot

Mbetjet njerëzore janë diçka që shumica e njerëzve e shmangin, por një kompani e përdor atë për kërkime për të zbuluar praninë e sëmundjeve. Duke analizuar mostra të vogla 150 ml të ujërave të zeza publike, Biobot mund të përcaktojë nivelin e sëmundjes në një komunitet. Studimi i mbetjeve madje ndihmon në identifikimin e përdorimit të opioideve.

Biobot, me qendër në Kembrixh, Massachusetts, ishte kompania e parë e analizës së ujërave të zeza në Shtetet e Bashkuara që zbuloi COVID-19 dhe publikoi gjetjet e tij.

“Ka një sasi të pabesueshme inteligjence në ujërat e zeza,” tha Newsha Ghaeli, presidentja dhe bashkëthemeluesja e Biobot.

Kompania, e themeluar nga dy gra, ofroi teknologjinë e saj pa pagesë në 400 qytete në SHBA gjatë shpërthimit fillestar të COVID-19, në mënyrë që zyrtarët të mund të testonin për virusin.

“Ne menduam se këto të dhëna ishin potencialisht aq të vlefshme sa që donim të merrnim sa më shumë komunitete të aksesonin informacionin në mënyrë që ne të mund të mësonim edhe prej tyre,” tha Ghaeli.

Bostoni është një qytet që ka bashkëpunuar me kompaninë për të krijuar vende të testimit të ujërave të zeza për të gjurmuar COVID-19.

Polly

Një pajisje e re Wi-Fi premton të ndihmojë studentët e verbër të mësojnë të lexojnë dhe shkruajnë në mënyrë të pavarur. Shtypshkronja Amerikane për të Verbërit e Louisville, Kentaki, krijoi Polly.

Pajisja u siguron individëve që studiojnë Braillin reagime audio ndërsa mësojnë, një format që simulon një mjedis në klasë. Produkti plotëson një boshllëk të shkaktuar nga mungesa e mësuesve të kualifikuar të studentëve me dëmtime në shikim.

“Kjo pajisje është krijuar për t’i lejuar studentët të jenë në gjendje të mësojnë kur TVI i tyre (mësues i certifikuar për dëmtim të shikimit) nuk është i pranishëm,” tha Donna McClure-Rogers, menaxhere e produktit për Shtëpinë e Shtypshkronjës Amerikane.

Shpikja është emëruar për nder të Polly Thomson, e cila ishte përkthyesja e gjatë e Helen Keller. Jashtë Shteteve të Bashkuara, pajisja do të shitet si “Annie” nga Thinkerbell Labs, një partner biznesi në Indi. Emri nderon Anne Sullivan, një instruktore që ishte shoqëruesja e përjetshme e Keller.

Sourcemap

Disa vende, përfshirë Shtetet e Bashkuara, kanë ligje që ndalojnë importet e prodhuara nga puna e detyruar. Bizneset me rrjete të gjera pritet të studiojnë më nga afër zinxhirët e tyre të furnizimit.

Sourcemap, me qendër në qytetin e Nju Jorkut, u zhvillua në përgjigje të Aktit të Parandalimit të Punës së Detyrueshme Ujgure të SHBA-së, i cili ndalon importimin e produkteve të bëra me punë të detyruar në Xinjiang. Të dhënat për zinxhirët e furnizimit janë nxjerrë nga deklaratat e zbulimit të kompanive, inspektimet e vendit, imazhet satelitore dhe raportet e pavarura.

Kompania raporton se më shumë se 500,000 biznese në mbarë botën janë të regjistruara në platformën e saj.

“Me këto ligje të reja, injoranca nuk është justifikim”, thotë Leonardo Bonanni, shefi ekzekutiv dhe themeluesi i Sourcemap.

Up Paint

Në Shtetet e Bashkuara, 10% e bojës humbet çdo vit, një trend që kërcënon mjedisin. Boja mund të përmbajë shumë materiale toksike, kështu që është e rrezikshme nëse nuk hidhet siç duhet. Njëmbëdhjetë shtete të SHBA-së kërkojnë nga prodhuesit e bojës që të mbledhin bojën e mbetur dhe ta asgjësojnë atë.

Up Paint, një kompani fillestare, mbledh bojën, e riciklon dhe më pas e rishet në 18 ngjyra të ndryshme. Largon pluhurin dhe mund të kombinojë bojëra me ngjyra të ndryshme.

Dustin Martin, themeluesi i kompanisë, tha se Up Paint mbledh bojën e papërdorur në vendet e caktuara pa asnjë kosto. Investimi është bërë në trajtim dhe paketim.

“Është një fitore e favorshme,” thotë ai. “Është më mirë për planetin, por është edhe më mirë për portofolin e klientëve”, tha ai.

Ju pëlqen!

Bussines Insider/ Dyshimet si u korruptua McGonigal

Çështja McGonigal nuk është një punë spiunazhi, por një aferë korrupsioni. Ky është konkluzioni që nxjer në një shkrim të ri të botuar së fundi Bussines Insider. Me këtë pistë, që e theksonte tre ditë më parë edhe CNN hidhet poshtë pretendim i shumë këmbëngulur nga mbrojtësit e rilindjes në Tiranë të cilët e mbështesnin aryetimin e tyre në faktin se përderisa ish zyrtari i lartë i FBI-së nuk akuzohej për korrupsion, si rrjedhim nuk ka pasur as kurruptues nga Tirana.

“McGonigal nuk u akuzua për spiunazh, aktualisht nuk ka asnjë provë që ai ta ketë kryer këtë krim ndonëse një burim i FBI tha për Insider se hetimi është në vazhdim. Një person i dytë, i njohur me hetimin, tha se divizioni i kundërzbulimit të FBI-së dukej i sigurt se çështja McGonigal ka të bëjë me korrupsionin dhe asgjë më sumë. Fakti që prokurorët ranë dakord të lironin McGonigal me një garanci prej 500 mijë dollarësh, sugjeron gjithashtu se drejtësia nuk mendon se ai ishte i përfshirë në spiunazh, pasi përndryshe nuk do ta kishte lënë të hetohej në gjendje të lirë”, thuhet në artikull .

“Në Shqipëri, McGonigal akuzohet se është përfshirë në shkëmbimin e parave për favore, duke u mbështetur në marrëdhëniet e tij me zyrtarët amerikanë dhe kryeministrin shqiptar për të dhënë rezultatet që donin klientët e tij. Pjesa më e madhe e këtij aktiviteti lobues nën tryezë, ndodhi kur ai ishte ende në FBI”, nënvizon Bussines Insider .

Kjo media duket që ka sërish si burim kryesor ish të dashurën e tradhëtuar të McGonigal, Allison Guerriero e cila ka kujtuar ditën kur ish i dashuri i saj Charles McGonigal, bleu një telefon të dytë. FBI sapo kishte urdhëruar stafin e saj të fshinte WhatsApp-in nga telefonat e tyre dhe McGonigal ishte në panik.

“Duke qenë një nga drejtuesit kryesorë të FBI-së në New York ai nuk mund t’i dërgonte mesazhe të koduara kujtdo. Ky ishte një problem për të. Gurriero nuk e dinte saktësisht se për çfarë e përdorte McGonigal ëhatsApp-in, pasi ai nuk foli kurrë me këtë, me anë të kësaj platforme komunikimi, pavarësisht se qëndronte vazhdimisht aktiv.

McGonigal doli dhe bleu një iPhone të dytë për ta përdorur atë. Të dy celularët i merrte kudo me vete. Guerriero e ngacmonte shpesh partnerin e saj për këtë duke i bërë pyetje të ndryshme. “Çfarë je ti, një tregtar droge tani?. Por ajo nuk e mori vesh kurrë të vërtetën.

“Agjentët e FBI-së në pragun e shtëpisë time me foton e kryeministrit të Shqipërisë”
Ai i tha asaj se i duhet celulari i dytë për të komunikuar me burimet e tij për disa arsye për të cilat ai nuk mund të komunikonte për numrit kryesor që mbante” shkruan “BI”.

Akuza e korrupsionit nuk përmendet vetëm për lidhjet shqiptare, por edhe për ato ruse ku ish e dashura kujton se zyrtari i FBI-së qërasje herë pas here me zarfa me para. “Ata të dy shpesh kalonin natën në apartamentin e tij me një dhomë kopshti në lagjen Tony Park Slope të Brooklyn. Ai kishte një familje në periferi të Maryland, por kishte kaluar pothuajse të gjithë kohën e tij në Neë York City që nga tetori 2016, kur u gradua në krye të kundërzbulimit në zyrën në terren të FBI-së. McGonigal i kishte premtuar Guerriero-s se martesa e tij do të përfundonte së shpejti. iPhone nuk ishte e vetmja gjë misterioze që ajo pa gjatë kohës që dilte me McGonigal. Ajo kishte vënë re zarfet e mbyllura që shkëmbeheshin kur darkonin me një mikun e tij, një burrë të moshuar të quajtur Sergej Shestakov.

Shestakov kishte qenë dikur një diplomat i lartë sovjetik në Nju Jork, i vendosur në Kombet e Bashkuara. Guerriero nuk ishte e sigurt se si ishin takuar, por ajo tha se të dy silleshin sikur e njihnin njëri-tjetrin prej vitesh. Shestakov ishte një shtetas amerikan që punonte si përkthyes për gjykatat federale. Guerriero dhe McGonigal bashkoheshin me Shestakovin dhe gruan e tij. Ajo kurrë nuk e pa McGonigal të paguajë. Dy burrat bënin biseda për trafikun dhe motin. Shestakov e pyeste McGonigal për fëmijët e tij. Pastaj, tha Guerriero, në mes të darkës, Shestakov i dha rastësisht McGonigal një zarf.

Ndodhi tre ose katër herë që nga mesi i vitit 2017 deri në fund të 2018. Zarfet kalonin gjithmonë nga Shestakov te McGonigal, jo anasjelltas. Dhe Shestakov, kujton Guerriero, do të merrte gjithmonë faturën”.

Në këtë artikull hetohet vetëm ana korruptive e aktivitetit të Charls McGonigal dhe nuk i kushtohet aspak vëmendje pistës së përdorimit të tij nga kryeministri shqiptar, kundër opozitës dhe për hetimin e lobimit të Lulzim Bashës në SHBA.

Ju pëlqen!

Tërmeti në Turqi, gjenden nën rrënoja trupat e familjes shqiptare

Tre persona me origjinë shqiptare janë gjetur të pajetë nën rrënoja, pas dy tërmeteve që goditën Turqinë dhe Sirinë mëngjesin e së hënës.

Euronews Albania raporton se bëhet me fjalë për dy prindërit dhe djalin e tyre, trupat e të cilëve janë gjetur të pajetë mëngjesin e ditës së sotme dhe janë nxjerrë nga rrënojat nga ekipet e kërkim shpëtimit.

Mësohet se ata janë gjetur në qytetin e Kahramanmarash një nga zonat më të prekura nga tërmeti tragji. Deri më tani nuk bëhet me dije identiteti i tyre.

Ndërkohë, sipas raportimeve të fundit nga autoritetet turke, numri i personave që kanë humbur jetën në Turqi është 7108, ndërsa të lënduarit janë 40910.

Në Siri, numri i të vdekurve, sipas raportimeve të fundit të Aljazeera, është 2,530. Në total, të vdekurit tani i kalojnë 9600 (9638), ndërkohë që nuk ka shifra për të zhdukurit.

Ju pëlqen!

“Është parë s’është parë, Vunë ministër një gomar”, poezi nga Agolli

Nepotizmi

Është parë s’është parë
Vunë ministër një gomar

Gjindja tha: Goxha minister
Me samar e me kapister

C’iu qep mezi, c’iu qep kali…
Eh, gomar, c’te polli halli!

Dhe kerrici prêt nje qoshe
Tok me pelen kuqaloshe…

Por nje cep kerkon dhe mushka
Ndryshe zemerohet krushka

Ne katund plasi debati:
More, s’ngeli soj veshgjati!

Flet me plak i muhabetit:
Le t’i rrojne, me nder qytetit!

Se katundi pa gje s’ngeli
Boll jane: lopa, qeni, gjeli…

Dy majmunet dhe derrkuci

Ishin c’ishin, dy majmune
Me nje sharre benin pune
“Sh, sh, sh” sharronin drune

Nje derrkuc flinte aty
U hodh njeri nga te dy:
Uu, c’djerse paska ky!

Ja dhe tjetri shpejt u ngrit:
Eh, vertet po na cudit
Ne punojme e ky djersit!…

Njeriu-mine dhe mina me sahat

Nje njeri me shpirtin sterre
Qe gjithekund sajonte sherr

Hasi minen me sahat
“Uuu” rrenqethet thelle ne shtat.

Ajo ben: “tik-tak, tik-tak…”
-Shpejt te iki, se pas pak…

Porse mina ia kthen paq:
Une nje here bej “bum” dhe aq…

Eh, kjo bote qenka cudi!
(Per cka them, qysh tash ve bast):

Ka ca njerez, ja si ti
Qe shperthejne ore e cast…

– poezi nga Dritero Agolli

Ju pëlqen!

Pse njerëzit i tradhtojnë partnerët (dhe si ta shmangin)

Dikush angazhohet në një marrëdhënie monogame, me synim ruajtjen e ekskluzivitetitseksual. Por më pas i dorëzohet shumë herë tradhtisë. Po pse njerëzit i tradhtojnë partnerët e tyre? Studimet psikologjike të deritanishme, janë fokusuar tek karakteristikat individuale dhe relacionale që i bëjnë marrëdhëniet më të prekshme ndaj tradhtisë, duke i kushtuar më pak vëmendje strategjive që e zvogëlojnë mundësinë e ndarjes për shkak të tradhtisë.

Tani një studim i ri, i kryer nga një ekip psikologësh nga Universiteti Raihman në Izrael dhe Universiteti i Roçesterit në Nju Jork, ka identifikuar një strategji që mund të zvogëlojë tundimin për të tradhtuar partnerin. Sipas studiuesve, “vendosja e vetes” në vendin e partnerit (duke e adoptuar këndvështrimin e tij) e rrit dëshirën për të dhe përkushtimin ndaj marrëdhënies, ndërsa në të njëjtën kohë e zvogëlon interesin seksual dhe romantik për njerëzit e tjerë.

Njerëzit mund të tradhtojnë për një sërë arsyesh. Për shembull, dikush është në kërkim të së resë, sepse marrëdhënia e vjetër nuk e kënaq më, për të përjetuar edhe një herë emocionin e joshjes. “Por edhe nëse njerëzit mund të jenë të kënaqur me marrëdhënien e tyre, rreziku që ata të tradhtojnë partnerët e tyre është ende aty”- thotë autori kryesor Gurit Birnbaum, profesor i psikologjisë në Universitetin Raihman.

Sipas tij ky rrezik u shfaq në një kohë kur ata ishin të lodhur, shumë të zemëruar ose shumë të dehur për t’iu kundërvënë tundimit. “Për më tepër, burrat kanë më shumë gjasa të tradhtojnë, sepse mendojnë se nuk po plotësohen nevojat e tyre seksuale por edhe ato emocionale”- thotë Herri Reis,profesor psikologjie në Universitetin e Roçesterit dhe bashkautor i studimit.

Për të identifikuar një strategji që do të zvogëlonte gjasat për të tradhtuar partnerin, studiuesit kryen 3 teste të rastësishme me 408 persona (213 gra dhe 195 burra izraelitë) të moshës 20-47 vjeç në një marrëdhënie monogame heteroseksuale për të paktën 4 muajsh.

Pjesëmarrësve iu kërkua të adoptonin ose jo këndvështrimin e partnerit të tyre dhe të vlerësonin, takonin ose mendonin mbi njerëz që ishin tërheqës për ta, ndërsa psikologët regjistronin shprehjet e tyre të interesit për këta të fundit, si dhe përkushtimin dhe dëshirën për partnerët e tyre.

Studiuesit zbuluan se adoptimi i perspektivës së partnerit, e forcoi përkushtimin dhe dëshirën për ta, në një kohë që e reduktoi interesin seksual dhe romantik për partnerët e mundshëm alternativë. Gjetjet e këtij studimi, sugjerojnë se marrja parasysh e perspektivës së partnerit i dekurajon njerëzit të përfshihen në sjellje që mund t’i lëndojnë ata dhe ta dëmtojnë marrëdhënien e tyre.

“Kjo qasje nuk e parandalon tradhtinë, por e zvogëlon dëshirën për të. Jo vetëm kaq, por ajo nxit ndjeshmërinë, mirëkuptimin, afërsinë dhe kujdesin për partnerin. Të tradhtosh në një marrëdhënie në çift, do të thotë t’i japësh përparësi qëllimeve personale mbi të mirën e partnerit dhe atë të marrëdhënies, prandaj shikimi i gjërave nga këndvështrimi i tjetrit ofron një pamje më të ekuilibruar të këtyre situatave”- thotë Reis.

Gjetjet e këtij studimi, mund t’i ndihmojnë njerëzit të kuptojnë se si t’i rezistojnë tundimit në një periudhë afatshkurtër. Strategjia funksionon edhe nëse atë e përdor vetëm njëri nga dy partnerët. / Today.it/

Ju pëlqen!

Kronologjia datë pas date/ Si u rekrutua McGonigal për të goditur PD-në

Njolla më e errët, nga skandali shumëplanësh i rekrutimit të një agjenti të FBI-së, për ta përdorur për interesat politike të qeverisë shqiptare, është padyshim ajo e bashkëpunimit me të, për të minuar demokracinë dhe goditur opozitën. Meqë për këtë temë ka pasur debate të forta, akuza të pareshtura nga PD-ja dhe mohim kategorik nga qeveria, Lapsi.al i është kthyer edhe njëherë dokumenteve kryesorë për të bërë zbardhjen e plotë të përfshirjes së Charles McGonigal në këtë mision.

Për të qenë farmaceutikisht të paanshëm jemi mbështetur thelbësisht në katër burime. Së pari, tek aktakuza e prokurorëve amerikanë kundër agjentit të FBI-së; së dyti, tek interpretimin që saj i është bërë nga dy media prestigjoze si “New York Times” dhe “CNN”; së treti nga dëshmia që ka dhënë ish e dashura e tij e tradhëtuar.
Le ta themi që në fillim, ky artikull mbështetet në hipotezën që ngre dhe “New York Times” se, McGonigal u vu në shërbim të Edi Ramës: “Ndërsa ishte ende në FBI, ai krijoi një marrëdhënie me kryeministrin e Shqipërisë Edi Rama dhe sipas prokurorëve të Uashingtonit ndërmori hapa që ishin në dobi të këtij politikani” vëren gazeta.

 

Jemi në parag të zgjedhjeve parlamentare të 25 qershorit 2017 dhe ashtu sikurse ndodh gjithmonë me partitë shqiptare, PD e Lulzim Bashës bëri një kontratë lobimi me një kompani amerikane të drejtuar nga Nik Muzin. Në këmbim të një pagese me prejardhje të errët, prej 675 mijë USD, ish kreu demokrat përfitoi një foto me presidentin Donald Trump, për ta përdorur për fushatë, disa intervista dhe takime përtej oqeanit. Për momentin historia u mbyll me kaq. Të gjithë e dininin se këto ‘suksese” ishin arritur përmes parave, por përderisa PD-i humbi zgjedhjet zhurma u shua. Së paku kështu ndodhi për publikun, por siç do të shohim më vonë, aspak për Edi Ramën.

Ky i fundit megjithëse kishte një marëveshje bashkëqeverisje me Lulzim Bashën (koalicioni PD-PS vazhdoi edhe pas zgjedhjeve, deri sa u formua qeveria e re në shtator 2017), nuk i duroi dot akuzat për vjedhjen e votës dhe përbetimin e ish liderit të PD: “Më gënjeve njëherë turp për ty, po ndodhi sërisht, turp për mua”.

Rama mendohet që në verë- vjeshtën e vitit 2017 të ketë nisur projektin e neutralizimit të Bashës.

Pikërisht në këtë kohë, mijra kilometra larg nga këtu, një agjent i FBI-së, tashmë botërisht i njohur si Charles McGonigal, i cili ishte në prag të pensionit dhe nuk priste ti nënshtrohej më testit të poligrafit, i kërkon në gusht të 2017, një të njohuri të tij shqiptar, Agron Nezës, ashtu sikurse tregon aktakuza amerikane, një shumë të madhe parash “borxh”.

Me siguri që ish agjenti i sigurimit, Neza nuhati rastin e artë se para të zeza mund të bëhen lehtësisht në Ballkan dhe në Shqipëri. “New York Times” e përshkruan kështu këtë moment: “Prokurorët nuk dhanë detaje se si u takuan dy burrat, as nuk e përshkruan marrëdhënien e tyre, as nuk zbuluan arsyen e kërkesës. Por në akt-akuzën e Nju Jorkut, zoti Neza përmendet si miku i zotit McGonigal. Në muajt pasi zoti McGonigal kërkoi para, dy burrat bënë udhëtime të shumta në Evropë, ku z. McGonigal me sa duket përdori pozicionin e tij në përpjekje për të ndikuar në biznes për zotin Neza, pretendojnë prokurorët në padinë e Uashingtonit” tregon gazeta.

Një rrugëtim i frrytshëm në kërkim të parave mund të qe dhe kontakti me majat e regjimit të korruptuar të Tiranës. Pa kaluar as një muaj nga kërkesa për ti marrë para borxh Agron Nezës, Charles McGonigal, gjendet në zyrën e Edi Ramës.

Ndryshe nga sa ka rrëfyer kryeministri Shqiptar në qëndrimet që ka mbajtur, nuk ka qenë zyrtari i FBI-së që i ka kërkuar atij një takim përmes sms-ve, por njerëzit e Ramës që tentojnë të fusin në rrjetë njeriun e lartë të sigurisë. Aktakuza e thotë qartë se qe këshilltari informal i Ramës, Dorian Duçka, ai që rregulloi takimin. “Në shtator 2017, burrat udhëtuan për në Shqipëri, thanë prokurorët, ku z. Neza e prezantoi zotin McGonigal me Dorian Duçkën, një ish-zyrtar shqiptar që shërbente si këshilltar informal i kryeministrit, zotit Rama. Z. Duçka, i përshkruar në akt-akuzën e Uashingtonit si Personi B, e solli zotin McGonigal të takohej me zotin Rama.” shkruan “New York Times”.

Le të jemi të kujdesshëm. Deri këtu nuk duket se ka asnjë shenjë të një projekti për të goditur opozitën. Neza dhe Duçka ndërhyjnë për të ndikuar Edi Ramën për bizneset e tyre. Tendera nafte, shmangje kompanish ruse në favor të atyre kineze etj. Por, ajo që bën çudi është fakti se ashtu sikurse shkruan CNN, takimi u mbajt sekret nga palët dhe sidomos nga FBI-a, të cilës McGonigal e kishte për detyrë ti’a tregonte lëvizjet. Ish kolegët e agjentit të FBI-së i thanë CNN se ky duhet cilësuar si një rast korrupsioni, ndërsa vetë media prestigjoze, shkruan se McGonigal i mori 225 mijë USD-të duke ia mbajtur të fshehta FBI-s, po ashtu siç bëri dhe për marëdhënien që ns me kryeministrin e Shqipërisë.

Me siguri kaq do i ketë mjaftuar Edi Ramës, që si një njohës i mrekullueshëm i dobësive dhe veseve njerëzore, ta arkivonte Charles McGonigalin mes atyre që mund ti përdorte në të ardhmen.

Rasti do të paraqitej shumë shpejt. Por, para tij, s’duhet harruar, se vetëm pak javë pasi kishte kërkuar para borxh dhe pasi takoi në shtator Edi Ramën, McGonigal mori 225 mijë USD-të e para nga Agron Neza. Ai ishte futur në thes dhe rasti për t’i këkruar “kthimin e nderit” do të paraqitej shumë shpejt.

Në 14 nëntor 2017, sipas ligjeve amerikane, lobisti Nik Muzin bëri i transparente departamentit të drejtësisë, paratë që kishte marrë në këmbim të shërbimeve që i kishte dhënë Bashës dhe PD-së, para zgjedhjeve. Këtu makineria e pushtetit, në Tiranë, nuhati se kishte në dorë një armë të fortë për të përdorur zyrtarin e FBI. Ngjarjet precipituan shpejt. Agjensia BIRN botoi, në 23 nëndor 2017, në bazë të të dhënave të Nik Muzinit, një artikull të fortë të gazetarit Besar Likmeta, ku ende nuk përmendej hipoteza për lidhjet ruse, por hidheshin dyshime për burimet e financimit të parave që kishin mbëritur në SHBA.

Po në nëntor 2017, McGonigal rikthehet në Tiranë, takohet me Ramën, i cili me sa duket ia kishte gjetur punën fitimprurëse. Tani agjenti i FBI-së kishte material për ti shërbyer kryeministrit në projektin për të dëmtuar opozitën. Ja seç shkruan New York Times: “Në nëntor, pasi z. McGonigal u takua përsëri me kryeministrin dhe z. Duçka në Shqipëri, ai kontaktoi të njëjtin prokuror që e kishte marrë me vete në Austri (për llogari të Tom Doshit-shënimi i Lapsi.al), për të nisur një hetim të mundshëm ndaj një lobisti, që kundërshtari politik i zotit Rama kishte punësuar për të pasur akses dhe mbështetje tek Presidenti Donald J. Trump”.

Dhe këtu marëdhënia zyrtare mes një shefi qeverie dhe një agjenti të FBI-së, ku njëri kishte interesa politike për të shkatërruar opozitën dhe tjetri për të bërë para…fillon e shndërohet në miqësi. Ish e dashura e tradhëtuar e McGonigalit, Allison Guerreiro, e cila denoncoi, në inat e sipër, veprimet e tij të dyshimta, e cilësoi këtë si një “miqësi të papërshtatshme” mes kryeministrit dhe burrit me të cilin ndante shtratin. Ajo rrëfeu se ata bisedonin shpesh në celular përmes aplikacionit “Viasat”, se ai i tregonte foto me Ramën, madje se kishin konsumuar së bashku edhe një darkë, në një restorant të shtrenjtë njujorkez.

Nën avujt e verave fine që preferonte Charles McGonigal sipas rrëfimeve të së dashurës, do jetë çuar përpara edhe strategjia e hetimit nga FBI-a të Partisë Demokratike. E sigurtë është se materialet mbërinin nga Tirana, madje drejtpërdrejt nga kryeministria. Edi Rama ka pretenduar, në daljet e veta publike, se nuk mund ta bënte një gjë të tillë, pasi ai nuk kishte më shumë materiale sesa kishte botuar BIRN në në 23 nëndor 2017 . “Po të kisha pasur, pse jo, do ti’a kisha dhënë FBI-së”, tha ai në Euronews, në një përpjekje për ta shfryrë çështjen. Por, leximi që New York Times i bën aktakuzës së prokurorëve amerikanë e përgënjeshtron kryeministrin. “Në fillim të vitit 2018, sipas aktakuzës së Uashingtonit, zoti Neza vazhdoi t’i transmetonte zotit McGonigal informacione për zotin Muzin – disa prej të cilave erdhën drejtpërdrejt nga zyra e zotit Rama. Z. McGonigal më pas e përcillte informacionin tek të tjerët në zyrën e FBI-së në Nju Jork”, nënvizon gazeta.

E pra, nuk janë as mediat e kazanit, as kundërshtarët politikë që e spjegojnë kaq thjeshtë këtë skemë, por një shkrim me katër autorë, dy prej të cilëve me çmime Pulitzer, që zuri një faqe të madhe në një prej gazetave më prestigjoze të botës (foto e madhe lart).

Dhe plani funksionoi. Merita për këtë nuk mund ti mohohet aspak, Edi Ramës, ideusit dhe pagatorit që e bëri atë të mundur. Në shkurt të 2019 FBI hapi zyrtarisht një hetim për lobistin Nik Muzin “me kërkesën e të pandehurit McGonigal dhe me udhëzimin e tij”. New York Times heq çdo dyshim se cilët qenë ata që ishin të interesuar për këtë hetim: “Z. Neza ishte ndër burimet konfidenciale që dhanë informacione gjatë hetimit dhe z. Duçka pagoi dëshmitarët në Evropë për të udhëtuar në një takim me FBI, thuhet në aktakuzë”. A ka mundësi që dy biznnesmenë, njëri prej të cilëve edhe keshilltar i kryeministrit të shpenzonin energji, kohë dhe para për të dëmtuar një parti politike? Vështirë, por edhe po të mendojmë për një çast se ata kanë dalldisur, pse kryeministria duhet të hynte në lojë duke i furnizuar me dokumente?

Pra, le ta përmbledhim. Në gusht 2017, McGonigal kërkon borxh, në shtator takon Ramën, menjëherë pas kësaj merr të paktën 225 mijë USD, në nëntor takohen përsëri në Tiranë. Menjëherë fillon dhënia e marerialeve me burim nga kryeministria kundër Bashës dhe PD. Këto materiale që servireshin nga Neza dhe këshilltari informal i kryeministrit, Dorian Duçka, i jepen FBI-së. Duçka paguan edhe dëshmitarët që dëshmojnë për FBI-në lidhur me këtë ngjarje dhe kjo i mbahet e fshehtë institucionit. Në shkurt 2018, hapet hetimi zyrtar për lobistin e Bashës.

Në harkun e gjashtë muajve, falë një lidhje sekrete dhe pagesave nën dorë arrihet gjithçka. Skema ka funksionuar, por ajo nuk përfundon këtu. Sepse qëllimi i saj kryesor është propaganda.

Nuk kalojnë as pak ditë nga hapja e çështjes prej FBI-së, kur në 8 mars 2019, si me magji, revista amerikane “Mother Jones”, publikon investigimin e famshëm lidhur me financimet ruse që ka marrë Basha dhe PD-ja. Kaq shpejt “rrodhën” sekretet e kundërsipiunazhit amerikan në media? A nuk të çon edhe logjika më e dobët të mendosh se kemi të bëjmë me një lobim mbi lobimin? Pa pasur fakte kjo mbetet vetëm hipotezë, por një nga ato të tilla që janë vështirë të kundërshtohen.

Sepse duhej e gjitha kjo kuptohet lehtë. Hetimi i FBI-së dhe dalja e artikullit për paratë e dyshuara ruse të PD-së nxiti në Tiranës një fortunë mediatike për denigrimin e opozitës, skicimin e saj si të paguar nga Kremlini dhe në kundërshtim të plotë me vokacionin perendimor të shqiptarëve. Më mirë se kushdo këtë delir propagandistik e sheh të shprehur tek kjo deklaratë me tone patetiko-qesharake të Elisa Spiropalit, që e publikoi në Facebokkun e tij edhe Edi Rama.

Charls McGonigal i kishte hallall paratë sepse ai dhuroi më shumë municion të rëndë sesa duhej për asgjesimin e opozitës. Dhe kjo fabul vazhdoi deri vonë. Ambasadorja Yuri Kim e rimori atë, në shator 2022, gjatë një mbledhjeje me dyer të mbyllura, për financimet Ruse, para KQZ-së. Debati u rihap edhe njëherë nga e para për partinë e rublave…
Por, sepse ka gjithmonë një por, fati e deshi që agjenti i kundërzbulimit, i cili sipas CNN, u vu në shërbim të politikanit Rama, duke kryer në mënyrë shembullore detyrat që merrte prej tij, të mos ishte edhe si dashnor, në të njëjtën lartësi devotshmërie. Allison Guerreiro, gruaja që ndau dikur shtratin me të, njoftoi FBI-në për paratë kesh dhe lidhjet e tij të papërshtatshme me kryeministrin shqiptar. Dhe kështu një histori pasioni të tradhëtuar u bë sebep që gjysma e votuesve shqiptarë të shpëtonin nga damka e fabrikuar e varësisë nga Kremlini.

Ju pëlqen!

Përçarja në koalicionin qeverisës në Serbi, gazeta “Danas”: Rusia e ka kapë Daçiqin që të mos mbështet planin evropian për Kosovën

Partia Socialiste e Serbisë, respektivisht lideri i saj Ivica Daçiq, është shantazhuar nga Rusia dhe nuk guxon të përkrahë propozimin franko-gjerman për zgjidhjen e çështjes së Kosovës. Ky është i vetmi shkasë për tensionet mes presidentit të Serbisë dhe SNS-së, Aleksandar Vuçiq dhe kreut të socialistëve.

Kështu e komentojnë bashkëbiseduesit e gazetës serbe “Danas” nga burime diplomatike përçarjen aktuale mes partnerëve në koalicionin qeverisës (Patia Për[parimtare Serbe) SNS dhe (Partia Socialiste Serbe) SPS.

Sherri i ri mes SNS-së dhe SPS-së ndoshta është shkaktuar nga kushti i Rusisë ndaj Partisë Socialiste të Serbisë që të vazhdojnë të mbajnë distancë nga propozimi evropian për Kosovën. Nuk duket se gjithçka do të zgjidhet shpejt, duke parë se deri ku ka shkuar e gjithë ‘zënka’”, thonë burimet e gazetës serbe.

Ndërkaq, burimet e këaj gazete thonë se Ivica Daçiq, megjithatë, më parë do të dorëzohet nën presionin e Aleksandar Vuçiqit, sepse, siç thonë ata, ‘nuk ka zgjidhje’.

Në pyetjen se pse Ivica Daçiq po i ekspozohet këtij konflikti me Aleksandar Vuçiqin nëse është e qartë se ai do të dorëzohet në fund, bashkëbiseduesit e ‘Danas’ thonë se lideri socialist është ‘pazar i fortë’.

Më tej ata shpjegojnë se ashtu siç Vuçiq e mban në grusht Daçiqin, po ashtu e mban edhe Rusia.

Rusët me siguri kanë dosje komprometuese për Daçiqin

“Rusët sigurisht kanë dosje komprometuese për Daçiqin dhe është pothuajse e sigurt se bëhet fjalë për para”, vlerësojnë bashkëbiseduesit e gazetës, të cilët nuk kanë dashur të flasin publikisht për këto supozime, duke pasur parasysh natyrën e punës që bëjnë.

Partia Socialiste e Serbisë sigurisht merr para nga Federata Ruse, përveç faktit të qartë se partia financohet përmes punëve me naftën në Serbi.

“Daçiq tani do të duhej të thotë se burimi kryesor i financimit të tyre do të hiqet”, përfundojnë bashkëbiseduesit e gazetës.

Kujtojmë, duke folur për problemet që ka me Partinë Socialiste të Serbisë, presidenti i Serbisë e krahasoi atë parti me pjesën e djathtë dhe nacionaliste të opozitës, të cilët janë rreptësisht kundër zgjidhjes evropiane për Kosovën.

Ndryshe, presidenti serb, Vuçiq, tha sonte (7 shkurt) se ka pasur takime me udhëheqësin e Socialistëve serbë, Ivica Daçiq, dhe konfirmoi se marrëdhëniet mes dy partive janë në krizë.

Partia Përparimtare Serbe (SNS) e Vuçiqit dhe Partia Socialiste e Serbisë (SPS) e Daçiqit, që janë në koalicion qeveritar, hynë papritmas në marrëdhënie të paqëndrueshme.

Vuçiq tha për televizionin serb, Pink, se nuk mendon se zgjedhjet e reja janë zgjidhje, sepse siç tha ai “kemi shumë probleme për të zgjidhur”.

Ai shtoi se vendimet nuk do të merren brenda natës dhe se do të takohet me Daçiqin më 8 shkurt.

“Dhe a kam besim të plotë (në SPS-në)? Personalisht nuk kam, por nuk do ta bazoja këtë në marrëdhëniet personale. Vendi është më i rëndësishëm se marrëdhëniet personale. Por, tani e dimë se në kohë të vështira mund të mbështetemi vetëm në veten tonë”, tha ai.

Ju pëlqen!

Ja faktet e Kryeministrit të pakorruptuar Kurti në Twitter…

Kryeministri i pakorruptuar Kurti në Twitter:

10 komunat e Kosovës me shumicë serbe kanë marrë mesatarisht 62% më shumë buxhet (gjithsej) për kokë banori, si dhe 89% më shumë në shpenzime kapitale për kokë banori, sesa 28 komunat e tjera, prej të cilave 27 janë me shumicë shqiptare.

Kjo tregohet me të dhënat e Departamentit të Buxhetit të Ministrisë së Financave të Kosovës, nga 14 vjetët e fundit (’08-’22). Për sa i përket shfrytëzimit të buxhetit, 6 komunat me shumicë serbe në jug të Kosovës, të cilat janë të integruara relativisht mirë, kanë performuar vazhdimisht më mirë sesa 4 komunat në veri.

Politikanë dhe udhëheqës komunalë serbë në 6 komunat jugore ishin të gatshëm dhe të aftë për të planifikuar, siguruar dhe zbatuar më shumë për sa i përket arsimit, shëndetësisë dhe infrastrukturës së transportit për qytetarët e vet sesa 4 komunat në veri.

Komuniteti ndërkombëtare duhet të mbajë Qeverinë e Serbisë përgjegjëse që i ka privuar këto 4 komuna veriore nga zhvillimi i duhur. Detyrimi me forcë i qytetarëve lokalë nga ana e saj, përmes një grusht kriminelësh të udhëhequr nga para, lëndë narkotike dhe trafikues armësh, duhet të dënohet publikisht.

Ju pëlqen!

Gjashtë muaj pas sulmit, shkrimtari Selman Rushdie sjell librin e ri

Gati 6 muaj pas sulmit me thikë, shkrimtari Selman Rushdie vjen me një vepër të re artistike. I titulluar “Qyteti i Fitores”, libri tregon historinë e një vajze jetime që sfidon një botë patriarkale për të sunduar një qytet të tërë.

I shkruar para sulmit që gati i mori jetën autorit me origjinë indiane, romani është një përkthim i një historie epike të shkruar fillimisht në sanskritisht ku ngjarjet vendosen në shekullin e XIV.

Për revistën New Yorker të botuar këtë javë, ai është shprehur se dëshiron që ngjarja e rëndë që ndodhi muaj më parë të mos e lënë në hije romanin.

“Gjithmonë kam menduar se librat e mi janë më interesantë se jeta ime. Fatkeqësisht, bota duket se nuk pajtohet”, tha ai për revistën.

Sulmi me thikë kundër shkrimtarit ndodhi gjatë një aktiviteti kulturor në Nju Jork dhe shkaktoi reagime të shumta.

Prej vitesh ai u përball me kërcënime me vdekje për shkak të librit të botuar në vitin 1988, ”Vargje Satanike”, i cili zemëroi mjaft myslimanë. / Klan News /

Ju pëlqen!

SHBA mirëpret vendimin e Kosovës për pranimin në parim të Planit evropian

Ambasadori i Shteteve të Bashkuara të Amerikës në Kosovës, Jeffrey Hovenier ka thënë sot se SHBA-të mirëpresin vendimin e Kosovës për të pranuar në parim Planin e Bashkimit Evropian për normalizimin e raporteve Kosovë-Serbi.

Hovenier në një postim në Twitter shkruan se Shtetet e Bashkuara të Amerikës do të vazhdojnë të ofrojnë mbështetjen e plotë për dialogun e lehtësuar nga BE-ja.

“Shtetet e Bashkuara mirëpresin vendimin e Kosovës për të pranuar në parim Propozimin e BE-së dhe ne do të vazhdojmë të ofrojmë mbështetjen tonë të plotë për dialogun e lehtësuar nga BE-ja. Marrëveshja e përkohshme do të sjellë përfitime të konsiderueshme si për Kosovën, ashtu edhe për Serbinë”, shkruan ambasadori amerikan.

Ju pëlqen!

Lajmet e fundit