Kur sapo keni ngrënë një ushqim me hudhër apo keni pirrë një birrë pas një dite të gjatë, është e pritshme që mund t’ju vijë goja erë. Por ndonjëherë, shkaku i erës së keqe të gojës mund të mos dihet, duke ju lënë të ndiheni të turpëruar.

Nëse era e gojës suaj nuk kalon dhe pasi të ndërpsrisni ngrënien e ushqimeve me erë të jo të mirë, diçka më serioze mund të jetë duke ndodhur.

Një vizitë te dentisti mund të përjashtojë mundësinë e të pasurit sëmundje të mishit të dhëmbëve apo kavitete të patrajtuara.

Arsye të tjera mund të jenë:

  1. Higjiena juaj e gojës nuk është shumë e mirë

Ndër arsyet kryesore për erën e keqe të gojës është higjiena e keqe e saj. Kur grimca të patretura ushqimi mbeten në gojë dhe ndërmjet dhëmbëve, ato me kalimin e kohës copëtohen dhe më shumë nga bakteriet në gojë dhe prodhojnë erën jo të mirë të gojës. Ndryshime në stilin e jetesës si larja e dhëmbëve dhe gjuhës dy herë në ditë apo pastrimi çdo ditë i dhëmbëve me fill dentar janë hapat e duhur për zhdukjen e këtij problemi.

  1. Dehidratimi mund të jetë një faktor

Pështyma është e rëndësishme për copëtimin dhe tretjen e ushqimit, dhe mbajtjen e indeve në gojë të pastër. Por prodhimi i pështymës mund të ulet shumë kur jeni të hidratuar. Bakteriet dhe thartësirat që nuk pastrohen gjatë kësaj kohe mund të shkaktojnë erë të keqe të gojës.

Pirja e një sasie të mjaftueshme uji çdo ditë do të sigurojë hidratimin dhe prodhimin e duhur të pështymës. Uji gjithashtu pastron dhe dhëmbët.

  1. Është efekt anësor i dietës me nivel të ulët karbohidratesh

Kur limitohet marrja e karbohidrateve (dieta keto), trupi me kalimin e kohës do të shkojë në një gjendje që quhet ketozë. Nëse jeni të sigurtë që dieta keto është e duhura për ju, atëherë era e keqe e gojës është një efekt anësor që mund ta maskoni duke qenë të përpiktë me higjienën tuaj të gojës dhe të qenurit të hidratuar.

  1. Është efekt anësor i ilaçeve që po përdorni

Anti depresantët, si edhe ilaçet e diabetit dhe kolesterolit, janë disa nga shumë ilaçet me recetë që shkaktojnë tharjen e gojës si efekt anësor. Rezultati? Grimca ushqimesh ngjiten në dhëmbë dhe gojë, dhe pa pështymë për t’i pastruar, bakteriet i copëtojnë duke krijuar erën e keqe të gojës. Mund ta shmangni këtë duke qënduar të hidratuar dhe bashkë me një higjienë të mirë orale mund të përdorni spraje të ndryshëm hidratues.

  1. Të pëlqejnë ëmbëlsirat ngjitëse

Ëmbëlsirat ngjitëse nuk shpërbëhen aq mirë sa diçka si çokollata. Ato mbesin në dhëmbët tuaj duke siguruar ushqim për bakteriet. Sa më shumë bakterie, aq më e keqe era e gojës. Limitimi i ngrënies së sheqerit dhe larja e dhëmbëve pas çdo ëmbëlsire ngjitëse mund të ndihmojë të shmangni eren e keqe të gojës.

  1. Konsumimi i kafes

Kafeja është edhe acidike edhe dehidratuese, duke kontribuar në prodhimin e pakët të pështymës dhe krijimin e ambjentit perfekt për rritjen e bakterieve në gojë. Pirja e ujit pas çdo filxhani kafeje mund të ndihmojë në reduktimin e dehidratimit dhe ta mbajë gojën më të freskët.

  1. Diabeti

Një nga efektet anësore të diabetit është tharja e gojës, që është ambjenti më i përshtatshëm që bakteriet të shumohen dhe të shkaktojnë erë të keqe goje. Për më tepër, nëse nuk i keni nivelet e sheqerit në gjak nën kontroll, kjo mund të çojë në sëmundje të mishit të dhëmbëve. Përsëri përveç se mjekimit të duhur për diabetin, këshillohet dhe hidratimi.

  1. Keni probleme me tretjen

Problemet e traktit tretës si refluksi apo GERD (refluksi gastroezofageal), shkakton që përmbajtjet e stomakut të rikthehen në gojë, e meqë këto përmbajtje janë acidike, kjo mund të shkaktojë që goja të bëhet shumë e tharë dhe bakteriet të shumëfishohen.

  1. Konsumi i alkoolit

Dehidratimi i shkaktuar nga alkooli mund të shkaktojë prodhim të ulët të pështymës dhe shtim të bakterieve duke çuar në erë të keqe të gojës.

  1. Duhanpirja

Duhanpirja gjeneron nxehtësi në gojë, që e than atë dhe krijon mundësinë e duhur që bakteriet të shumohen. Gjithashtu ky zakon rrit gjasat për sëmundjet e mishit të dhëmbëve dhe kavitetet.